Бізнес-навіны

Дні Беларусі пройдуць у Хабараўскім краі 5-10 верасня

Фота з архiва

4 верасня, Масква /Эдуард Півавар - БЕЛТА/. Дні Беларусі пройдуць у Хабараўскім краі Расіі 5-10 верасня. Яны арганізаваны ў рамках двухбаковага міжурадавага пагаднення аб супрацоўніцтве ў гандлёва-эканамічнай, навукова-тэхнічнай, сацыяльнай, культурнай і іншых сферах, паведамілі БЕЛТА ў прэс-службе пасольства Беларусі ў Расіі.

На працягу амаль тыдня адбудуцца рабочыя сустрэчы, абмеркаванне фарматаў супрацоўніцтва, B2B-перагаворы для бізнесу. На 9 верасня запланаваны гала-канцэрт з удзелам беларускіх артыстаў.

Адной з цэнтральных падзей стане кірмаш беларускіх тавараў, які будзе працаваць з 5 па 10 верасня. Кожнае з прадстаўленых прадпрыемстваў Беларусі будзе здзіўляць хабараўчан па-свойму. Напрыклад, кампанія "Бабуліна крынка" прэзентуе гасцям кірмашу спецыяльна звараны сыр вагой 100 кг і вадкае марожанае без цукру. Мінскі малочны завод нумар 1 прадставіць вялікі асартымент элітных сыроў і тварожных дэсертаў, "Чырвоны харчавік" і "Камунарка" парадуюць салодкімі навінкамі, а кампанія "Дамачай" выставіць палепшаны хлеб з павышанай харчовай каштоўнасцю. Таксама на кірмашы можна будзе набыць беларускі трыкатаж, пасцельную бялізну і ручнікі, дэкаратыўны тэкстыль для дома. Усіх гасцей мерапрыемства будуць чакаць конкурсы і розыгрышы.

Побач з гандлёвай пляцоўкай разгорнецца выстаўка буйнагабарытнай беларускай тэхнікі. Наведвальнікі змогуць азнаёміцца з узорамі беларускіх трактароў, камбайнаў, аўтамабіляў і сельскагаспадарчага абсталявання, а таксама сучасным ліфтам трэцяга пакалення.

версія для друку

зрабіць стартавай

дабавіць у выбранае