Бізнес-навіны

Часовае спыненне пастаўкі электраэнергіі ад БелАЭС прадугледжана праграмай энергапуску - Мінэнерга

10 лістапада, Мінск /Кар. БЕЛТА/. Часовае спыненне пастаўкі электраэнергіі ад Беларускай АЭС прадугледжана праграмай энергапуску, паведамілі БЕЛТА ў Міністэрстве энергетыкі.

"Міністэрства энергетыкі пацвярджае факт часовага спынення пастаўкі электраэнергіі ад Беларускай АЭС, што і прадугледжана праграмай этапу "Энергетычны пуск", - паведамілі ў Мінэнерга.

Паводле інфармацыі міністэрства, на гэтым этапе прадугледжаны рэжымы зніжэння магутнасці турбагенератара, аж да нулявой, для правядзення выпрабаванняў і неабходных работ, уключаючы даводку і наладку абсталявання па выніках праводзімых выпрабаванняў, што і адбываецца цяпер.

"Усе тэхналагічныя сістэмы на энергаблоку прадаўжаюць працаваць у штатным рэжыме", - праінфармавалі ў Мінэнерга.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце "АЭС-2006" паблізу Астраўца Гродзенскай вобласці. Генеральным падрадчыкам выступае інжынірынгавы дывізіён дзяржкарпарацыі "Расатам". Першы энергаблок павінен быць уведзены ў эксплуатацыю ў першым квартале 2021 года, другі - у маі 2022-га.

версія для друку

зрабіць стартавай

дабавіць у выбранае