Бізнес-навіны

Чарвякоў: амаль чвэрць ВУП Беларусі фарміруецца прадпрымальнікамі

24 кастрычніка, Мінск /Кар. БЕЛТА/. Амаль чвэрць ВУП Беларусі фарміруецца прадпрымальнікамі. Аб гэтым журналістам заявіў міністр эканомікі Аляксандр Чарвякоў перад пачаткам Форуму дзелавых колаў, прысвечанага адкрыццю Беларускага тыдня прадпрымальніцтва, перадае карэспандэнт БЕЛТА.

Аляксандр Чарвякоў выказаў удзячнасць беларускаму бізнесу, які ў перыяд санкцыйнага націску выстаяў і прадоўжыў развіццё. "Гэтыя прадпрымальнікі выжылі, пераарыентавалі патокі на іншыя рынкі. У гэтым сутнасць прадпрымальніцтва - хутка адаптавацца да новых умоў", - адзначыў Аляксандр Чарвякоў.

Сёння ўклад прадпрымальніцтва ў эканоміку краіны вельмі вялікі, дадаў міністр. "Практычна 25 працэнтаў ВУП краіны фарміруецца прадпрымальнікамі. Бізнесам займаецца трэць занятага ў эканоміцы насельніцтва, якое фарміруе трэць інвестыцый і трэць паступленняў даходаў у бюджэт. Калі глядзець на знешні контур, то 40 працэнтаў экспарту тавараў і 52 працэнты паслуг таксама за прадпрымальнікамі", - прывёў лічбы кіраўнік эканамічнага ведамства.

На форуме сёння будуць абмяркоўвацца новыя напрамкі, якія можа прапанаваць бізнес для развіцця Беларусі.

Праграма Тыдня прадпрымальніцтва прадугледжвае правядзенне вялікай колькасці сустрэч, перагавораў і дыялогавых пляцовак па ўсіх актуальных пытаннях. Чакаецца, што ўдзел у іх прымуць прадстаўнікі дзяржорганаў, бізнесу і аб'яднанняў прадпрымальнікаў, суб'екты інфраструктуры падтрымкі прадпрымальніцтва, навукі, адукацыі, маладзёжных аб'яднанняў і грамадзяне, зацікаўленыя ў адкрыцці ўласнай справы.

версія для друку

зрабіць стартавай

дабавіць у выбранае