Бізнес-навіны

Чаму Сусветны банк палепшыў прагноз па ВУП для Беларусі, растлумачылі ў Белстаце

Фота Сусветнага банка

1 лістапада, Мінск /Кар. БЕЛТА/. Першы намеснік старшыні Нацыянальнага статыстычнага камітэта Алена Кухарэвіч у праекце БЕЛТА "Краіна гаворыць" растлумачыла, чаму Сусветны банк палепшыў прагноз па ВУП для Беларусі.

Раней паведамлялася, што Сусветны банк палепшыў прагноз па ВУП Беларусі на 2024 год. Так, паводле прагнозаў банка, ВУП нашай краіны ў гэтым годзе павялічыцца на 4 працэнты, а ў 2025-м - на 1,2 працэнта. Паводле слоў Алены Кухарэвіч, такая рэзкая змена меркавання мае пад сабой аб'ектыўныя прычыны і перадумовы.

"У 2022 годзе Рэспубліка Беларусь сутыкнулася з беспрэцэдэнтнымі санкцыямі ў свой адрас (у дапаўненне да ўжо ўведзеных). Гэта, вядома, рэзка пагоршыла работу ў цэлым усёй эканомікі. Зразумела, былі ў нас страчаны асвоеныя раней рынкі збыту, разарваны ланцужкі лагістычныя, кааперацыйныя, узніклі нейкія праблемы з аплатай знешнегандлёвых абавязацельстваў. Была забарона на тэхналагічны імпарт, забарона ўвогуле на імпарт асобных тавараў. Вось гэта карціна перш за ўсё фарміравала негатыўныя рэйтынгі, у тым ліку і Сусветнага банка", - акрэсліла карціну першы намеснік старшыні Белстата.

Па выніках 2022 года ВУП Беларусі знізіўся прыкладна на 5 працэнтаў, але пры гэтым людзей гэта не закранула. "Гэта наогул быў самы нізкі паказчык ВУП за 27 гадоў у гісторыі нашай краіны, - адзначыла Алена Кухарэвіч. - Але тыя своечасовыя аператыўныя меры, якія прыняў урад у 2023 годзе, далі магчымасць не толькі стабілізаваць сітуацыю, але і змяніць, перавярнуць яе".

*Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае