Бізнес-навіны

БВФБ і Шанхайская фондавая біржа будуць развіваць супрацоўніцтва

4 мая, Мінск /Кар. БЕЛТА/. Беларуская валютна-фондавая біржа і Шанхайская фондавая біржа (Shanghai Stock Exchange - SSE, Кітай) падпісалі мемарандум аб узаемаразуменні, накіраваны на развіццё супрацоўніцтва ў сферы біржавога гандлю, паведамляе БЕЛТА са спасылкай на сайт БВФБ.

Мемарандум прадугледжвае абмен інфармацыяй аб рынках і біржавых прадуктах, прадстаўленых у Беларусі і Кітаі, правядзенне сумесных мерапрыемстваў, даследчых праектаў, стажыроўкі супрацоўнікаў, а таксама вызначэнне іншых магчымасцей для супрацоўніцтва.

"Падпісанне мемарандума паміж Беларускай валютна-фондавай біржай і Шанхайскай фондавай біржай стала чарговым крокам у пашырэнні ўзаемадзеяння ў біржавой сферы паміж Беларуссю і Кітаем і развіцці арганізаванага рынку каштоўных папер", - адзначылі ў БВФБ.

Шанхайская фондавая біржа - некамерцыйнае аб'яднанне, кіруемае дзяржаўнай камісіяй па каштоўных паперах КНР, уваходзіць у пяцёрку буйнейшых гандлёвых пляцовак свету. Капіталізацыя біржы перавышае $4 трлн.

версія для друку

зрабіць стартавай

дабавіць у выбранае