Бізнес-навіны

БУТБ дапаможа рэалізаваць патэнцыял Беларусі і Пензенскай вобласці ў сферы імпартазамяшчэння

Фота БУТБ

31 кастрычніка, Мінск /Кар. БЕЛТА/. Беларуская ўніверсальная таварная біржа (БУТБ) плануе задзейнічаць існуючыя ў яе распараджэнні электронныя інструменты і інфраструктуру для актывізацыі супрацоўніцтва ў сферы імпартазамяшчэння паміж Беларуссю і Пензенскай вобласцю. Аб гэтым расказала дырэктар Брэсцкага філіяла БУТБ Аксана Харытановіч, якая наведвала гэты расійскі рэгіён у складзе афіцыйнай беларускай дэлегацыі, паведамілі БЕЛТА ў прэс-службе біржы.

Паводле слоў Аксаны Харытановіч, асноўныя намаганні будуць сканцэнтраваны на пашырэнні прымянення пляцоўкі прамысловых і спажывецкіх тавараў БУТБ, функцыянал якой дае магчымасць аператыўна знаходзіць пастаўшчыкоў імпартазамяшчальнай прадукцыі і заключаць з імі здзелкі. Пры гэтым, як паказаў вопыт узаемадзеяння з іншымі рэгіёнамі РФ, самымі актыўнымі карыстальнікамі біржавой B2B-платформы з'яўляюцца суб'екты малога і сярэдняга прадпрымальніцтва.

"Для вырашэння задач імпартазамяшчэння пляцоўку прамысловых і спажывецкіх тавараў ужо выкарыстоўваюць кампаніі з 19 рэгіёнаў Расіі. Галоўным чынам гэта малы, сярэдні бізнес, які праз біржу атрымлівае доступ да закупак буйных беларускіх прадпрыемстваў, а таксама можа гандляваць з іншымі расійскімі рэгіёнамі ў рамках транзітных здзелак". Калі параўноўваць са студзенем - кастрычнікам мінулага года, то тавараабарот рэзідэнтаў РФ на нашай электроннай платформе вырас у вартасным выражэнні ў 1,6 раза. Па Пензенскай вобласці здзелак пакуль не зарэгістравана, затое суседняя з ёй Разанская вобласць перавысіла ўжо мінулагодні паказчык на 44 працэнты. Таму будзем сумесна з Пензенскай гандлёва-прамысловай палатай і Цэнтрам падтрымкі экспарту ўключаць мясцовых прадпрымальнікаў у біржавы гандаль імпартазамяшчальнай прадукцыяй. Дамоўленасці наконт гэтага ўжо дасягнуты. У нас акрэдытаваны ўсе беларускія прамысловыя флагманы, а таксама вядучыя прадпрыемствы АПК і энергетычнай галіны. Таму агульныя інтарэсы,безумоўна, знойдуцца", - падкрэсліла дырэктар Брэсцкага філіяла БУТБ.

версія для друку

зрабіць стартавай

дабавіць у выбранае