Бізнес-навіны

БУТБ акрэдытавала першага брокера ў Сінгапуры

Фота з архiва

6 лютага, Мінск /Кар. БЕЛТА/. На Беларускай універсальнай таварнай біржы акрэдытавана першая брокерская кампанія з Сінгапура - Vooking Pro Pte. Ltd., якая да гэтага ўжо больш за два гады працавала на біржы ў якасці наведвальніка таргоў. Аб гэтым паведамілі БЕЛТА ў прэс-службе БУТБ.

У статусе прафесійнага ўдзельніка Vooking Pro Pte. Ltd. плануе прыцягваць на біржавую пляцоўку пакупнікоў лесапрадукцыі з Азіяцкага рэгіёна, садзейнічаючы далейшаму пашырэнню геаграфіі біржавога экспарту.

"У мінулым годзе піламатэрыялы на біржавых таргах куплялі рэзідэнты 17 дзяржаў. У выніку на знешнія рынкі было рэалізавана 1,4 млн куб.м пілапрадукцыі, што амаль у 2 разы больш, чым у 2022 годзе. Немалаважную ролю ў гэтым адыграла ўвядзенне механізма адрасных здзелак, што не толькі забяспечыла больш гібкія ўмовы для беларускіх экспарцёраў, але і спрасціла работу замежных пакупнікоў на біржавой платформе. У прыватнасці, сінгапурскія ўдзельнікі ў 2,4 раза павялічылі закупкі піламатэрыялаў праз біржу, перасягнуўшы адзнаку ў аб'ёме 120,4 тыс. куб.м па выніках 2023 года. Гэта дало магчымасць Сінгапуру заняць пятае пасля Кітая, Азербайджана, Узбекістана і Расіі месца па аб'ёме імпартных здзелак з прадукцыяй дрэваапрацоўкі. Акрэдытацыя брокера ў Сінгапуры - наступны этап развіцця біржавога гандлю з гэтай краінай. Ад нашага сінгапурскага партнёра мы чакаем у першую чаргу садзейнічання ў павелічэнні пула пакупнікоў з краін Азіі, у тым ліку з Кітая і Рэспублікі Карэя, куды ўжо арганізаваны біржавыя пастаўкі беларускіх піламатэрыялаў. Акрамя таго, брокер звычайна бярэ на сябе вырашэнне транспартна-лагістычных пытанняў, што, безумоўна, садзейнічае павышэнню прывабнасці біржавога механізму для замежных кампаній. Асабліва гэта датычыцца краін далёкай дугі", - пракаменціравалі ў прэс-службе біржы.

Цяпер на БУТБ акрэдытаваны 6907 замежных кампаній, у тым ліку 660 з краін Азіі. Лідарам па колькасці ўдзельнікаў таргоў і аб'ёмах здзелак у Азіяцкім рэгіёне з'яўляецца Кітай. У 2023 г. на біржу прыйшлі 46 новых рэзідэнтаў Кітайскай Народнай Рэспублікі, а сума біржавых транзакцый вырасла ў 2,7 раза да $80,6 млн. Замежная брокерская сетка БУТБ уключае ў сябе 22 кампаніі з 8 краін.

версія для друку

зрабіць стартавай

дабавіць у выбранае