Бізнес-навіны

14 ліпеня, Мінск /Кар. БЕЛТА/. Ізраільская кампанія Israel Chemicals Limited, буйнейшы сусветны вытворца хлорыстага калію, прапануе Беларусі сумесныя праекты. Аб гэтым БЕЛТА паведамілі ў прэс-службе беларускага МЗС па выніках сённяшняй сустрэчы міністра замежных спраў Уладзіміра Макея з кіраўніцтвам кампаніі.

У ходзе сустрэчы з прэзідэнтам і выканаўчым дырэктарам Israel Chemicals Limited Стэфанам Боргасам з удзелам топ-менеджараў разгледжаны канкрэтныя прапановы кампаніі па рэалізацыі сумесных праектаў з беларускімі партнёрамі.

Акрамя таго, бакі абмеркавалі магчымыя напрамкі супрацоўніцтва ў такіх сектарах, як сельская гаспадарка, харчовая прамысловасць і машынабудаванне.

Ізраільскай кампаніяй станоўча ацэнены эканамічны патэнцыял Беларусі, выказаны інтарэс да машынабудаўнічага абсталявання, адзначылі ў прэс-службе знешнепалітычнага ведамства.