Бізнес-навіны

Больш за 230 тыс. іншаземцаў пройдуць лячэнне і аздараўленне ў санаторыях Беларусі ў гэтым годзе

11 сакавіка, Мінск  /Кар. БЕЛТА/. У развіццё матэрыяльна-тэхнічнай базы санаторыяў Беларусі ў мінулым годзе ўклалі амаль Br160 млн. Аб гэтым расказаў намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва Аляксандр Цай у праекце БЕЛТА "Краіна гаворыць".

Што датычыцца структуры і геаграфіі экспарту лячэбна-аздараўленчых паслуг, то беларускія здраўніцы наведваюць грамадзяне амаль з 60 краін свету. "Традыцыйна, найбольшую колькасць складаюць грамадзяне Расійскай Федэрацыі - каля 92 працэнтаў. Потым ідуць грамадзяне краін Балтыі. Напрыклад, з Латвіі было каля 3,5 тыс. чалавек, з Літвы - каля 2,5 тыс. З Эстоніі - каля 1 тыс., - расказаў Аляксандр Цай. - Павышаецца попыт з боку грамадзян Азербайджана. Калі раней колькасць прыезджых была 100-200 чалавек, то ў мінулым годзе з Азербайджана ў нашых здраўніцах прайшлі лячэнне і аздараўленне каля 1 тыс. чалавек".

У 2019 годзе ў санаторыях краіны пабывала больш за 240 тыс. чалавек. "Улічваючы пастаянны рост - а ён быў вельмі значны ў гэтым годзе - мы добра прырасталі ўсе гэтыя гады. Спадзяёмся, што ў 2024 годзе выйдзем на паказчык 2019 года крыху раней, чым прагназавалася. Чакаем, што больш за 230 тыс. замежных грамадзян дакладна пройдуць лячэнне і аздараўленне ў нашых здраўніцах у гэтым годзе", - падкрэсліў намеснік дырэктара.

*Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае