Бізнес-навіны

Больш за 100 адзінак грузавой і спецтэхнікі на базе шасі МАЗ паставяць у Прыморскі край

Фота МАЗ

6 чэрвеня, Мінск /Кар. БЕЛТА/. У Прыморскі край будзе пастаўлена больш за 100 адзінак грузавой і спецыяльнай тэхнікі на базе шасі МАЗ, паведамілі БЕЛТА ў прэс-службе Мінскага аўтазавода.

Мінскі аўтамабільны завод наведала дэлегацыя Прыморскага края на чале з міністрам транспарту і дарожнай гаспадаркі рэгіёна Аляксеем Ігнаценкам. "Адміністрацыяй Прыморскага края пры ўзгадненні з урадам РФ адобрана сума 700 млн расійскіх рублёў на набыццё пасажырскага транспарту. Цяпер мы знаёмімся з мадэлямі аўтобусаў беларускай вытворчасці, якія ў хуткім часе маглі б выйсці на нашы маршруты. З прадукцыяй МАЗа жыхары рэгіёна знаёмы - у нас працуе камунальная, грузавая і будаўнічая тэхніка прадпрыемства", - сказаў ён.

У ходзе перагавораў падпісаны кантракт на пастаўку ў Прыморскі край 107 адзінак грузавой і спецыяльнай тэхнікі на базе шасі МАЗ. Подпісы ў дакуменце паставілі гендырэктар АТ "Прымаўтадар" Аляксей Шыршоў і гендырэктар афіцыйнага дылера Мінскага аўтазавода ТАА "Далёкаўсходні аўтацэнтр" Сяргей Клімаў. У прэс-службе дадалі, што кантракт заключаны ў рамках выйгранага конкурсу па 223-ФЗ на пастаўку тэхнікі ў расійскі рэгіён.

версія для друку

зрабіць стартавай

дабавіць у выбранае