Бізнес-навіны

БМЗ за дзевяць месяцаў вырабіў і адгрузіў больш за 800 тыс. тон інавацыйнай прадукцыі

Фота з архiва

24 кастрычніка, Гомель /Кар. БЕЛТА/. Беларускі металургічны завод за 9 месяцаў вырабіў і адгрузіў больш за 170 відаў інавацыйнай прадукцыі. Такія даныя прывёў намеснік гендырэктара па метызнай вытворчасці Ігар Чарняўскі на сустрэчы з калектывам аднаго з вытворчых цэхаў, паведамляе БЕЛТА.

Паводле слоў Ігара Чарняўскага, за студзень-верасень на прадпрыемстве выплаўлена больш за 1,7 млн ​​т сталі. "Прырост склаў 119 працэнтаў. Нягледзячы на ​​шэраг цяжкасцей, завод прадаўжае працаваць прыбыткова і рэнтабельна. Па многіх напрамках адзначаем дадатную дынаміку", - сказаў ён.

Намеснік гендырэктара падкрэсліў, што прадукцыя металургаў запатрабавана і сітуацыя на прадпрыемстве стабільная. "Завод планамерна развівае геаграфію паставак, асвойвае новыя рынкі збыту, прадаўжаючы ўдасканальваць сваю дзейнасць у галіне навукова-тэхнічных даследаванняў і распрацовак. Так, за студзень-верасень на прадпрыемстве выраблена і адгружана 173 віды інавацыйнай прадукцыі ў аб'ёме больш як 800 тыс. т. З іх 116 відаў былі асвоены ў 2023 годзе", - растлумачыў ён.

ААТ "БМЗ - кіруючая кампанія холдынга "БМК" - высокатэхналагічнае прадпрыемства металургічнай галіны. Структурна складаецца са звязаных адным тэхналагічным ланцужком вытворчасцей - сталеплавільнай, пракатнай, трубнай, метызнай і цэхаў інфраструктуры.

версія для друку

зрабіць стартавай

дабавіць у выбранае