Бізнес-навіны

"Беллеспаперапрам": новыя інвестпраекты дадуць магчымасць дадаткова атрымліваць $100 млн да экспарту

Фота з архiва

5 снежня, Мінск /Кар. БЕЛТА/. Новыя інвестпраекты канцэрна "Беллеспаперапрам"дадуць магчымасць дадаткова атрымліваць $100 млн да экспарту папяровай прадукцыі. Аб гэтым паведаміў журналістам намеснік старшыні канцэрна "Беллеспаперапрам" Аляксандр Пшонны, перадае карэспандэнт БЕЛТА.

"Беллеспаперапрам" прадаўжае інавацыйны цыкл праектаў. Так, на Светлагорскім ЦКК будзе рэалізаваны вялікі праект з будаўніцтвам новай папераробнай машыны па выпуску мяшочнай паперы. Гэта машына зможа вырабляць 160 тыс. т паперы ў год. Інвестыцыі ў праект складуць $150-170 млн.

"Таксама будзе рэалізоўвацца два праекты ў Івацэвічах. Першы - лінія па вытворчасці ламініраваных панэлей, а другі - лінія па вытворчасці панэлей для кухонных гарнітураў. Будзем вырабляць такія новыя для рэспублікі прадукты, як стальніцы і скіналі. У гэтыя праекты плануецца інвесціраваць $10-15 млн", - расказаў Аляксандр Пшонны.

Ён дадаў, што на 2024-2025 гады вывучаецца магчымасць рэалізацыі ў Віцебску праекта па HPL-панэлях. Такія панэлі складаюцца са слаістых пластыкаў, выкарыстоўваюцца ў мэблі і транспартных сродках. Гэты новы від прадукцыі замяшчае ДСП і МДФ. У праект інвесціруецца каля $30-40 млн.

"Акрамя таго, плануецца будаўніцтва дзвюх папераробных машын па выпуску санітарна-гігіенічных вырабаў на папяровай фабрыцы "Спартак". Гэта рашэнне прынята ў сувязі з тым, што рынак расце, а попыт перавышае прапанаванне. У рамках праграмы "Адзін раён - адзін праект" за 2024-2025 гады плануем рэалізаваць будаўніцтва новай карданаробчай машыны на кардонна-папяровым заводзе "Альберцін", - дадаў намеснік старшыні канцэрна.

Паводле яго слоў, усе гэтыя праекты дадуць магчымаць дадаткова атрымаць $100 млн з экспарту папяровай прадукцыі. "Гэта імпартазамяшчальная прадукцыя будзе поўнасцю насычаць унутраны рынак, а таксама прыцягваць дадатковую валюту ў краіну", - падкрэсліў Аляксандр Пшонны.

На яго думку, Беларусь павінна канцэнтравацца на вытворчасці тых відаў паперы, якія ўжо ўмее выпускаць і для якой ёсць сыравіннае забеспячэнне. "Напрыклад, аб'ёмы выпускаемай мяшочнай упакоўкі практычна поўнасцю забяспечваюць наш унутраны рынак. Яшчэ адзін з нашых асноўных прадуктаў - санітарна-гігіенічныя вырабы (папера, сурвэткі, ручнікі). Такія віды прадукцыі, як афсетная і офісная папера, павінны выпускацца вялікімі аб'ёмамі, каб быць канкурэнтаздольнымі", - падкрэсліў намеснік старшыні канцэрна "Беллеспаперапрам".

версія для друку

зрабіць стартавай

дабавіць у выбранае