Бізнес-навіны

"Беллегпрам" пашырае супрацоўніцтва з Расіяй у перапрацоўцы воўны

Фота Беллегпрама

11 мая, Мінск /Кар. БЕЛТА/. "Беллегпрам" пашырае супрацоўніцтва з Расіяй у галіне перапрацоўкі воўны, паведамілі карэспандэнту БЕЛТА ў канцэрне.

У Маскве ў рамках візіту дэлегацыі "Беллегпрама" пад кіраўніцтвам старшыні канцэрна Таццяны Лугіной адбылося наведванне незалежнай дзяржаўнай лабараторыі пры ФДБНУ УНДІплем. У склад дэлегацыі ўвайшлі прадстаўнікі прадпрыемстваў "Камволь", "Віцебскія дываны", "Слонімская КПФ", "Ільічоўская ваўнамыйка".

У час наведвання лабараторыі адбыліся перагаворы з намеснікам дырэктара дэпартамента жывёлагадоўлі і племянной справы Міністэрства сельскай гаспадаркі РФ Надзеяй Дурыгінай, старшынёй камітэта па воўне Расійскага саюза прадпрымальнікаў тэкстыльнай і лёгкай прамысловасці ("Саюзлегпрам") Сяргеем Пузанавым.

Бакі абмеркавалі пытанні збору расійскай воўны і перапрацоўкі яе на беларускіх прадпрыемствах. Для забеспячэння празрыстасці здзелкі закупка воўны беларускімі перапрацоўшчыкамі будзе ажыццяўляцца на таргах Беларускай універсальнай таварнай біржы.

версія для друку

зрабіць стартавай

дабавіць у выбранае