Бізнес-навіны

"Беларуснафта" ўстанавіла абсалютны рэкорд сутачнай праходкі пры бурэнні свідравін

Фота з архiва

16 лютага, Гомель /Кар. БЕЛТА/. Спецыялісты "Беларуснафты" ўстанавілі новы рэкорд сутачнай праходкі пры бурэнні свідравін. Папярэдні паказчык павялічаны на 68 м, паведамілі БЕЛТА ў прэс-службе прадпрыемства.

Новы максімум сутачнай праходкі - 621 м - устаноўлены 12 лютага на свідравіне нумар 150 Давыдаўскага радовішча. Згодна з праектам глыбіня гэтай эксплуатацыйнай свідравіны складзе 3165 м.

Папярэдні абсалютны рэкорд пратрымаўся амаль год - ён быў зафіксаваны 18 сакавіка 2020 года. Пры будаўніцтве 174-й свідравіны Вішанскага радовішча спецыялісты прайшлі 553 м. Тады працавалі на станку 3Д-86. Цяпер брыгада нумар 2 Светлагорскага ўпраўлення буравых работ выкарыстоўвае ўстаноўку АРС-250. Як удакладнілі ў кампаніі, папярэдняе дасягненне на такой свідравой устаноўцы зафіксавана 21 кастрычніка 2019 года на 153-й Мармавіцкай свідравіне. Тады за суткі ўдалося прайсці 501 м.

"Настолькі паскорыцца і скараціць час на тэхналагічныя працэсы даў магчымасць рацыянальна спланаваны рабочы працэс, меры тэхнічнага, арганізацыйнага і кадравага характару", - расказалі на прадпрыемстве.

Устанавіць новы абсалютны рэкорд удалося дзякуючы зладжанай рабоце некалькіх падраздзяленняў "Беларуснафты": СУБРа, сэрвіснай службы па нахільна-накіраваным бурэнні УПНПіРС, Тампанажнага ўпраўлення, НГЗУ "Рэчыцанафта".

Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.

версія для друку

зрабіць стартавай

дабавіць у выбранае