Бізнес-навіны

Беларускія прадпрыемствы прадставілі сваю прадукцыю і паслугі на будаўнічай выстаўцы ў Ташкенце

Фота Пасольства Рэспублікі Беларусь у Рэспубліцы Узбекістан

29 лютага, Мінск /Кар. БЕЛТА/. Супрацоўнікі пасольства Беларусі ва Узбекістане прынялі ўдзел у цырымоніі адкрыцця 25-й Міжнароднай выстаўкі "Будаўніцтва - UzBuild 2024". Аб гэтым карэспандэнту БЕЛТА расказалі ў беларускай загранустанове ў Ташкенце.

Ва ўрачыстай абстаноўцы пасольства Рэспублікі Беларусь у Рэспубліцы Узбекістан было ўзнагароджана Ганаровай граматай за значны ўклад у арганізацыю мерапрыемства.

25-я Міжнародная выстаўка "Будаўніцтва - UzBuild 2024" праходзіць з 27 лютага па 1 сакавіка ў нацыянальным выставачным комплексе "Узэкспацэнтр" г. Ташкента.

Рэспубліка Беларусь прадстаўлена калектыўным стэндам, удзельнікамі якога з'яўляюцца УП "Беллесэкспарт", ААТ "Завод газетнай паперы" і ААТ "Магілёўліфтмаш". Таксама на выстаўцы прадстаўлены індывідуальныя стэнды ААТ "Керамін", філіяла ААТ "Гомельдрэў" "Паркетны завод", ВА "Энергакамплект", ТАА "Портман" (гандлёвая марка UNIDOORS), а таксама ААТ "Речыцкі завод вырабаў з металу".

версія для друку

зрабіць стартавай

дабавіць у выбранае