Бізнес-навіны

Беларускія прадпрыемствы прадставілі прадукцыю на выстаўцы аховы здароўя ў Бішкеку

Фота kyrgyzstan.mfa.gov.by

5 красавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Кыргызскай Рэспубліцы Андрэй Страчко ў якасці ганаровага госця прыняў удзел у адкрыцці 16-й Міжнароднай спецыялізаванай выстаўкі аховы здароўя MedExpo Kyrgyzstan 2022 у Бішкеку. Аб гэтым карэспандэнту БЕЛТА паведамілі ў пасольстве нашай краіны ў Кыргызстане.

Кіраўнік дыпламатычнай місіі наведаў стэнды беларускіх прадпрыемстваў, якія ўдзельнічаюць у экспазіцыі. У прыватнасці, сваю прадукцыю на выстаўцы прадстаўляюць ТАА "Тэхналогія і медыцына 2030", РУП "Белмедпрэпараты", ААТ "Барысаўскі завод медыцынскіх прэпаратаў", УП "Мінскінтэркапс", ААТ "Экзон", ДП "Акадэмфарм" і НВ ТАА "Медбіятэх".

Беларускія фармацэўтычныя прадпрыемствы актыўна працуюць на кыргызскім рынку. Так, у 2021 годзе аб'ём экспарту лекавых сродкаў у Кыргызстан склаў $4,3 млн, адзначылі ў пасольстве.

версія для друку

зрабіць стартавай

дабавіць у выбранае