Бізнес-навіны

Беларускія лякарствы выходзяць на фармацэўтычны рынак Венгрыі

Фота з архiва

21 ліпеня, Мінск /Аліна Грышкевіч - БЕЛТА/. Беларускае СТАА "Націвіта" і венгерская кампанія Pharma Gap Kft у Будапешце падпісалі пагадненне аб намеры супрацоўніцтва. Аб гэтым карэспандэнту БЕЛТА расказалі ў пасольстве Беларусі ў Венгрыі, дзе і адбылося заключэнне дакумента.

"У бліжэйшых планах кампаній - рэгістрацыя і дыстрыбуцыя на тэрыторыі Венгрыі і іншых краін жыццёва важных лекавых сродкаў, што вырабляюцца ў Беларусі. У пераліку прэпаратаў - лекавыя сродкі, якія прымяняюцца пры лячэнні анкалагічных захворванняў, а таксама цытакінавага шторму пры інфекцыі, выкліканай COVID-19", - адзначылі ў пасольстве.

СТАА "Націвіта" - міжнародная навукова-вытворчая фармацэўтычная кампанія па распрацоўцы і выпуску інавацыйных прэпаратаў для лячэння анкалагічных, аутаімунных і іншых цяжкіх захворванняў на сертыфікаваных па стандартах GMP беларускіх вытворчых магутнасцях. "З 2016 года "Націвіта" знаходзіцца ў топ-5 кампаній на шпітальным рынку Беларусі і стала кампаніяй нумар 1 у анкалагічным сегменце. Глыбокая лакалізацыя і сертыфікаваная вытворчасць лякарстваў па поўным цыкле стварае добрыя магчымасці для нарошчвання экспарту беларускіх лекавых сродкаў у ЕС", - лічаць у беларускай дыпламатычнай місіі.

версія для друку

зрабіць стартавай

дабавіць у выбранае