Бізнес-навіны

Беларускія кампаніі сталі лаўрэатамі прэміі СНД за дасягненні ў галіне якасці прадукцыі і паслуг

Фота з архiва

15 ліпеня, Мінск /Кар. БЕЛТА/. Беларускія кампаніі сталі лаўрэатамі прэміі СНД за дасягненні ў галіне якасці прадукцыі і паслуг за 2021 год, паведамілі БЕЛТА ў прэс-службе Дзяржаўнага камітэта па стандартызацыі. 

Урачыстая цырымонія ўзнагароджвання адбылася ў Ташкенце, дзе праходзіла пасяджэнне Міждзяржаўнага савета па стандартызацыі, метралогіі і сертыфікацыі краін СНД. Узнагароды былі ўручаны намеснікам старшыні Выканаўчага камітэта - выканаўчага сакратара СНД Ільхомам Нематавым.

Звання лаўрэата ўдастоены СТАА "Бел-Пласт Інтэрнэшнл" (Ліда), ТАА "Праймілк" (Шчучын) і ААТ "Брэсцкі мясакамбінат". Дыпламантамі прызнаны ТАА "Вытворчае аб'яднанне "Энергакамплект" (Віцебск) і СААТ "Камунарка" (Мінск).

Прэмія СНД за дасягненні ў галіне якасці прадукцыі і паслуг прысуджаецца адзін раз у два гады на конкурснай аснове арганізацыям дзяржаў - удзельніц Садружнасці за дасягненне значных вынікаў у галіне якасці прадукцыі (паслуг), забеспячэнне яе бяспекі, а таксама ўкараненне высокаэфектыўных метадаў менеджменту якасці.

версія для друку

зрабіць стартавай

дабавіць у выбранае