Бізнес-навіны

Беларускія і тульскія кампаніі маюць намер нарошчваць супрацоўніцтва па імпартазамяшчэнні

Фота з архiва

19 кастрычніка, Мінск /Кар. БЕЛТА/. Беларуская ўніверсальная таварная біржа і Цэнтр падтрымкі экспарту (ЦПЭ) Тульскай вобласці Расіі маюць намер супрацоўнічаць у сферы імпартазамяшчэння. Аб гэтым БЕЛТА паведамілі ў прэс-службе БУТБ.

Дамоўленасць аб супрацоўніцтве дасягнута ў ходзе рэверснай бізнес-місіі, арганізаванай Тульскай гандлёва-прамысловай палатай з мэтай інфармавання вытворчых і гандлёвых прадпрыемстваў Тульскай вобласці аб магчымасцях вядзення бізнесу ў Беларусі, у тым ліку з прымяненнем механізма біржавых таргоў. Пры садзейнічанні ЦПЭ плануецца прыцягнуць на платформу імпартазамяшчэння БУТБ тульскіх вытворцаў трубнай арматуры, металаканструкцый, крапежных вырабаў, электраабсталявання, спецадзення і іншай запатрабаванай у Беларусі прадукцыі прамысловага і спажывецкага прызначэння. У БУТБ адзначылі, што асноўная ўвага будзе ўдзелена рабоце з суб'ектамі малога і сярэдняга прадпрымальніцтва, для якіх біржавая пляцоўка паслужыць альтэрнатывай традыцыйнай тавараправоднай сетцы і спросціць выхад на беларускі рынак.

"Мы, безумоўна, зацікаўлены ў нарошчванні ўзаемнага тавараабароту. Лічу, што пляцоўка імпартазамяшчэння будзе садзейнічаць гэтаму працэсу, дапамагаючы беларускім і тульскім кампаніям знаходзіць адзін аднаго і заключаць здзелкі. Мы са свайго боку гатовы не толькі ўзяць на сябе работу па інфармаванні малога і сярэдняга бізнесу аб тым, як эфектыўна карыстацца гэтым інструментам, але і разглядаем варыянт акрэдытацыі ў якасці біржавога брокера. Наколькі мне вядома, па такім шляху пайшлі ўжо некаторыя цэнтры падтрымкі экспарту ў іншых рэгіёнах Расіі. Для нас такая схема работы таксама цалкам прымальная", - заявіла кіраўнік ЦПЭ Тульскай вобласці Дар'я Мядзведзева па выніках перагавораў з дэлегацыяй беларускай біржы.

Паводле інфармацыі БУТБ, сума біржавых здзелак, ажыццёўленых суб'ектамі гаспадарання Тульскай вобласці за 9 месяцаў 2022 года на біржы, склала каля 85 млн расійскіх рублёў, што ў 2,4 раза больш, чым за аналагічны перыяд мінулага года. У Беларусь у асноўным пастаўляліся кармавыя дабаўкі і вырабы з чорных металаў, у той час як тульскія прадпрыемствы закуплялі беларускую малочную прадукцыю і будматэрыялы.

версія для друку

зрабіць стартавай

дабавіць у выбранае