Бізнес-навіны

Беларуская калійная кампанія падпісала кантракт на пастаўкі ўгнаенняў у Індыю па $280 за тону

Фота з архiва

5 красавіка, Мінск /Кар. БЕЛТА/. У рамках існуючага цеснага ўзаемадзеяння паміж Беларускай калійнай кампаніяй і буйнейшым індыйскім імпарцёрам мінеральных угнаенняў, кампаніяй IPL, была ўстаноўлена новая кантрактная цана на пастаўкі калійных угнаенняў на індыйскі рынак - $280 за тону на ўмовах CFR, паведамілі БЕЛТА ў прэс-службе БКК.

"Дасягнутае пагадненне з'яўляецца чарговым крокам у гарманічным і планамерным развіцці як індыйскага, так і сусветнага рынку калію", - сказалі ў прэс-службе.

У кампаніі адзначылі, што дасягненне названай дамоўленасці стала магчымым дзякуючы ўзважанаму падыходу да вядзення бізнесу і агульнаму імкненню да збалансаванага развіцця калійнага рынку, які дэманструюць удзельнікі пагаднення.

"БКК дзякуе свайму стратэгічнаму партнёру ў Індыі, кампаніі IPL, і вельмі высока цэніць той узровень узаемнага даверу і павагі, які звязвае абедзве кампаніі на працягу многіх гадоў", - падкрэслілі ў прэс-службе.

ААТ "Беларуская калійная кампанія" было заснавана ў 2013 годзе, з'яўляецца эксклюзіўным экспарцёрам калійных угнаенняў вытворчасці ААТ "Беларуськалій" і на працягу апошніх гадоў захоўвае лідарства ў сусветным экспарце калійных угнаенняў. За гады сваёй работы БКК ажыццявіла пастаўкі беларускага калію амаль у 140 краін свету.

версія для друку

зрабіць стартавай

дабавіць у выбранае