Бізнес-навіны
Беларусь прыме місію МАГАТЭ па фізічнай абароне
18 мая, Мінск /Кар. БЕЛТА/. Беларусь прыме місію МАГАТЭ па фізічнай абароне IPPAS (International Physical Protection Advisory Service - Міжнародная кансультатыўная місія па фізічнай абароне). Такая інфармацыя размешчана на сайце Дзяржатамнагляду, паведамляе БЕЛТА.
На базе Дзяржатамнагляду 16-18 мая праведзены нацыянальны семінар па падрыхтоўцы ў Беларусі місіі МАГАТЭ IPPAS. Мерапрыемства праходзіла пад кіраўніцтвам экспертаў МАГАТЭ, Балгарыі і Вялікабрытаніі.
На семінары абмяркоўваліся пытанні дзейнасці МАГАТЭ ў галіне забеспячэння фізічнай ядзернай бяспекі, Канвенцыя аб фізічнай абароне ядзернага матэрыялу і папраўка да Канвенцыі аб фізічнай абароне 2005 года. Асаблівая ўвага была ўдзелена разгляду працэдуры падрыхтоўкі, арганізацыі і правядзення IPPAS-місіі з улікам вопыту краін, якія прымалі яе раней.
Удзел у семінары прынялі 34 прадстаўнікі МНС, МУС, МЗС, Мінэнерга, Міністэрства аховы здароўя, Мінтранспарту, ААЦ пры Прэзідэнце, НАН Беларусі, Дзяржпагранкамітэта, Дзяржваенпрама, Следчага камітэта, РУП "Беларуская атамная электрастанцыя".
версія для друку
зрабіць стартавай
дабавіць у выбранае