Бізнес-навіны

10 лістапада, Ісламабад /Юлія Огнева - БЕЛТА/. Беларусь мае намер развіваць адносіны з Пакістанам ва ўсіх сферах дзейнасці. Аб гэтым заявіў прэм'ер-міністр Беларусі Андрэй Кабякоў на сустрэчы з прэзідэнтам Пакістана Мамнунам Хусэйнам, перадае карэспандэнт БЕЛТА.

"Літаральна апошнія шэсць месяцаў у нас вельмі актыўна развіваюцца адносіны. Не бяруся даваць ацэнку, але, напэўна, гэта адны з адносін, якія найбольш дынамічна развіваюцца на сённяшні дзень", - адзначыў Андрэй Кабякоў.

Таксама сёння адбылася сустрэча Андрэя Кабякова са спікерам Нацыянальнай асамблеі Пакістана Аязам Садыкам. Бакі абмеркавалі актуальныя пытанні двухбаковых адносін.

Афіцыйны візіт прэм'ер-міністра Беларусі Андрэя Кабякова ў Пакістан праходзіць 9-11 лістапада. На заўтра запланавана адкрыццё Цэнтра беларускай культуры ў Нацыянальнай бібліятэцы Пакістана.

Пасля афіцыйнага візіту ў Пакістан Андрэй Кабякоў 11-12 лістапада наведае з рабочым візітам Турцыю. Прадугледжваецца сустрэча прэм'ер-міністра Беларусі з кіраўніцтвам Турцыі, а таксама топ-менеджарамі турэцкіх кампаній.