Бізнес-навіны

Беларусь лідзіруе ў Еўропе па ўзроўні падключэння будынкаў да оптавалаконных ліній сувязі

Фота з архiва

11 мая, Мінск /Кар. БЕЛТА/. Беларусь лідзіруе ў Еўропе па ўзроўні падключэння будынкаў і збудаванняў да оптавалаконных ліній сувязі. Аб гэтым сказаў у час прэс-канферэнцыі першы намеснік міністра сувязі і інфарматызацыі Павел Ткач, перадае карэспандэнт БЕЛТА.

"Яшчэ 10 гадоў таму "Белтэлекам" прыняў рашэнне аб пераходзе на IMS-платформу. Калі раней тэлефанія, тэлебачанне і іншыя лічбавыя паслугі былі размеркаваны на некалькі розных устройстваў, то цяпер ёсць вось такая ўніверсальная мультысэрвісная платформа, якая з выкарыстаннем аднаго оптавалаконнага кабеля аказвае ўвесь комплекс паслуг. Цяпер больш за 90 працэнтаў насельніцтва падключылася ўжо да яе, а да 2025 года плануем такую работу завяршыць, - расказаў Павел Ткач. - Для гэтых мэт было пабудавана шмат аб'ектаў электрасувязі. У Беларусі было пабудавана больш за 150 тыс. км валаконна-аптычных ліній сувязі. Па пранікненні гэтых ліній да будынкаў і збудаванняў мы займаем лідзіруючую пазіцыю ў Еўропе - 64 працэнты".

Міністэрства сувязі і інфарматызацыі як орган-рэгулятар забяспечвае паўнацэннае і ўсебаковае развіццё галіны тэлекамунікацыі ў Беларусі. "Мы заўсёды кіраваліся тым прынцыпам, што для паспяховай лічбавізацыі краіны неабходна апераджальнае развіццё ўсёй інфраструктуры, - адзначыў першы намеснік міністра. - Наша краіна першая сярод усіх дзяржаў СНД поўнасцю завяршыла пераход на лічбавае тэлевізійнае вяшчанне яшчэ ў 2015 годзе, тым самым забяспечыўшы патрабаванні Міжнароднага саюза электрасувязі. Ужо больш за 99 працэнтаў тэрыторыі Беларусі ахоплена лічбавым тэлевізійным вяшчаннем. Мы цяпер у актыўнай стадыі прапрацоўкі прадастаўлення насельніцтву дзяржаўных праграм у больш высокім распазнаванні - HD-фармаце, каб было намнога камфортней глядзець перадачы на тэлевізійным прыёмніку з вялікай дыяганаллю".

версія для друку

зрабіць стартавай

дабавіць у выбранае