Бізнес-навіны

Беларусь гатова пры неабходнасці дапамагчы Расіі з пастаўкамі бульбы - Багданаў

Фота з архiва

9 чэрвеня, Масква /Эдуард Півавар - БЕЛТА/. Беларусь гатова дапамагчы расійскаму боку з пастаўкамі бульбы. Аб гэтым сказаў карэспандэнту БЕЛТА намеснік міністра сельскай гаспадаркі і харчавання Аляксей Багданаў на Беларуска-азіяцкім форуме.

Аляксей Багданаў пракаменціраваў нядаўнюю заяву віцэ-прэм'ера РФ Вікторыі Абрамчанка, што Расія абмяркоўвае магчымасць закупкі ў Беларусі бульбы для стабілізацыі цэн на ўнутраным рынку. "Калі будуць заяўкі, вядома. Беларусь заўсёды падстаўляла плячо Расіі, нам падстаўляюць плячо ў многіх пытаннях, і тут мы таксама будзем супрацоўнічаць", - сказаў Аляксей Багданаў.

Ён паведаміў, што сёння запланавана сустрэча ў Мінсельгасхарчы Расіі на ўзроўні намеснікаў міністраў. "Магчыма, там мы гэтыя пытанні таксама абмяркуем. Прынамсі, я прывёз з сабой кантакты для гэтай работы", - адзначыў Аляксей Багданаў.

"Беларусь гатова дапамагчы ў гэтым пытанні, калі сапраўды будзе неабходна", - рэзюмаваў намеснік міністра.

версія для друку

зрабіць стартавай

дабавіць у выбранае