Бізнес-навіны
Беларусь атрымала ад "падатку на Google" ў I паўгоддзі Br6,7 млн
Фота Pixabay
29 жніўня, Мінск /Кар. БЕЛТА/. Беларускі бюджэт атрымаў ад "падатку на Google" ў I паўгоддзі Br6,7 млн. Аб гэтым паведамілі карэспандэнту БЕЛТА ў прэс-службе Міністэрства па падатках і зборах.
На ўліку ў падатковай службе знаходзіцца 48 замежных арганізацый, якія выплачваюць "падатак на Google". Сярод іх - Google, Amazon, Apple, Netflix, Linkedin, Booking, Uber, Wargаming, Viber, Microsoft.
Як паведамлялася, з 1 студзеня 2018 года ў Беларусі замежныя арганізацыі, якія аказваюць электронныя паслугі фізічным асобам, з'яўляюцца плацельшчыкамі ПДВ. Пры спагнанні падатку прымяняецца стандартная стаўка 20 працэнтаў. Па выніках I квартала гэтага года замежныя кампаніі - пастаўшчыкі электронных паслуг заплацілі ПДВ на суму Br3,1 млн. Раней МПЗ, ацэньваючы бюджэтную эфектыўнасць новаўвядзенняў, адзначыла, што дасягнутыя вынікі перавысілі затрачаныя на гэта рэсурсы.
версія для друку
зрабіць стартавай
дабавіць у выбранае