Бізнес-навіны

Беларусь і В'етнам зацікаўлены ў пашырэнні эканамічнага ўзаемадзеяння

Фота з архiва

9 жніўня, Мінск /Кар. БЕЛТА/. Намеснік старшыні Палаты прадстаўнікоў Валерый Міцкевіч на палях 44-й Генеральнай асамблеі Міжпарламенцкай асамблеі Асацыяцыі дзяржаў Паўднёва-Усходняй Азіі правёў двухбаковую сустрэчу са старшынёй Камітэта Нацыянальнага сходу Сацыялістычнай Рэспублікі В'етнам па міжнародных справах Ву Хай Ха. Аб гэтым БЕЛТА паведамілі ў прэс-службе Палаты прадстаўнікоў.

У ходзе сустрэчы Валерый Міцкевіч адзначыў, што нягледзячы на геаграфічную аддаленасць, Беларусь удзяляе прыярытэтную ўвагу развіццю ўсяго спектра адносін з В'етнамам, у якім бачыць надзейнага і дружалюбнага партнёра ў Паўднёва-Усходняй Азіі.

Была выказана надзея на яшчэ больш актыўнае пашырэнне эканамічнага ўзаемадзеяння паміж Беларуссю і В'етнамам, асабліва ў такіх традыцыйных для абедзвюх краін галінах, як машынабудаванне, сельская гаспадарка, фармацэўтыка, адукацыя, навука і турызм.

Бакі таксама абмеркавалі перспектывы далейшага ўмацавання міжпарламенцкіх адносін, пытанні арганізацыі ўзаемных візітаў, актывізацыі дзейнасці груп дружбы і прадаўжэння канструктыўнага супрацоўніцтва на міжнародных пляцоўках.

версія для друку

зрабіць стартавай

дабавіць у выбранае