Бізнес-навіны

Беларусь і В'етнам абмеркавалі пытанні актывізацыі абмену візітамі

8 красавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў 7 красавіка прыняў удзел у семінары "Сустрэча з партнёрамі з Амерыкі і Еўропы". Аб гэтым карэспандэнту БЕЛТА расказалі ў беларускай дыпламатычнай місіі ў В'етнаме.

Мерапрыемства было арганізавана Міністэрствам прамысловасці і гандлю В'етнама. Падчас семінара Уладзімір Баравікоў абмяняўся меркаваннямі з удзельнікамі аб стане і перспектывах гандлёва-эканамічнага супрацоўніцтва паміж Беларуссю і В'етнамам, уключаючы ход рэалізацыі актуальных двухбаковых праектаў.

Размова ішла таксама аб падрыхтоўцы маючых адбыцца візітаў на высокім узроўні, якія будуць садзейнічаць развіццю двухбаковых эканамічных кантактаў.

У 2021 годзе тавараабарот паміж Беларуссю і В'етнамам склаў больш за $200 млн. Беларусь экспартавала калійныя ўгнаенні, прадукцыю жывёлагадоўлі, вырабы прыборабудавання, лякарствы і касметыку. Закупляліся ў В'етнаме каўчук, арэхі, рыбнае філе, інтэгральныя схемы, палімеры прапілену, кансерваваныя прадукты.

версія для друку

зрабіць стартавай

дабавіць у выбранае