Бізнес-навіны
Беларусь і Татарстан плануюць развіваць супрацоўніцтва ў сферы станкабудавання
18 кастрычніка, Мінск /Кар. БЕЛТА/. Беларусь і Татарстан плануюць развіваць супрацоўніцтва ў сферы станкабудавання. Аб гэтым ішла размова на сустрэчы прэм'ер-міністра Беларусі Андрэя Кабякова з Прэзідэнтам Татарстана Рустамам Мініханавым, перадае карэспандэнт БЕЛТА.
"Мы ў свой час адзначалі пэўнае развіццё ўзаемадзеяння ў гэтым напрамку і нават вызначылі галаўныя кампаніі: з беларускага боку гэта ААТ "МЗОР", якое канцэнтравала ўзаемадзеянне ў галіне мадэрнізацыі станкабудаўнічага парку ў Татарстане. Хацелася, каб і з расійскага боку была адпаведная кампанія. Мы гатовы працаваць у гэтым напрамку", - сказаў Андрэй Кабякоў.
У сваю чаргу Рустам Мініханаў адзначыў, што супрацоўніцтва Беларусі і Татарстана ў сферы станкабудавання сёння вельмі актуальна. "З улікам таго, што будзе глыбокая мадэрнізацыя нашага авіяцыйнага завода, іншых машынабудаўнічых прадпрыемстваў, гэту тэму нам трэба разгледзець больш глыбока", - лічыць Прэзідэнт Татарстана.
версія для друку
зрабіць стартавай
дабавіць у выбранае