Бізнес-навіны

Беларусь і Таджыкістан дамовіліся актывізаваць рэалізацыю новых праектаў

Фота з архiва

20 красавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Таджыкістан Віктар Дзенісенка сустрэўся з міністрам эканамічнага развіцця і гандлю Рэспублікі Таджыкістан Заўкі Заўкізода. Аб гэтым карэспандэнту БЕЛТА паведамілі ў беларускім знешнепалітычным ведамстве.

"У ходзе сустрэчы быў разгледжаны шырокі спектр пытанняў эканамічнага супрацоўніцтва паміж Беларуссю і Таджыкістанам, - гаворыцца ў паведамленні. - Бакі пазітыўна ацанілі дынаміку развіцця двухбаковага гандлю".

Акрамя таго, дасягнута дамоўленасць актывізаваць работу па рэалізацыі новых праектаў і падтрымцы дзеючых сумесных прадпрыемстваў.

Дыпламатычныя адносіны паміж дзвюма дзяржавамі ўстаноўлены 5 верасня 1996 года. У абедзвюх краінах адкрыты пасольствы. Супрацоўніцтва Беларусі і Таджыкістана выйшла на ўзровень стратэгічнага партнёрства, аформленага адпаведным дагаворам, які ўступіў у сілу ў чэрвені 2020 года.

версія для друку

зрабіць стартавай

дабавіць у выбранае