Бізнес-навіны

Беларусь і Сусветны банк будуць развіваць супрацоўніцтва ў галіне кластарнага менеджменту

Фота Міністэрства эканомікі

20 студзеня, Мінск /Кар. БЕЛТА/. Намеснік міністра эканомікі Юрый Чабатар на сустрэчы з групай спецыялістаў Сусветнага банка абмеркаваў вынікі сумеснай праграмы ЕС і Беларусі ў падтрымку развіцця прыватнага сектара эканомікі, паведамілі БЕЛТА ў прэс-службе Мінэканомікі.

У сустрэчы таксама прымалі ўдзел прадстаўнікі кансультацыйнай кампаніі Cluster Competitiveness Group, Inc. (Іспанія), якая з'яўляецца выканаўцам мерапрыемстваў па кампаненце "Ініцыятывы павышэння канкурэнтаздольнасці". Спецыялісты абмеркавалі вынікі другога этапу навучання мэтавай вучэбнай групы па адукацыйнай праграме Сусветнага банка ў галіне кластарнага менеджменту. Колькасць групы склала больш за 40 чалавек, у яе склад увайшлі кіруючыя работнікі органаў улады, адказных за фарміраванне і рэалізацыю кластарнай палітыкі на нацыянальным, рэгіянальным і мясцовым узроўнях, а таксама прадстаўнікі кіраўніцтва прафесійных асацыяцый (саюзаў юрыдычных асоб) і тэхнапаркаў. Абодва бакі далі высокую станоўчую ацэнку працэсу навучання і ўключанасці ўдзельнікаў мэтавай вучэбнай групы.

Таксама адбылося абмеркаванне праведзенага на пляцоўцы офіса прадстаўніцтва Сусветнага банка ў Беларусі семінара-прэзентацыі экспертамі СБ работы па вышэйназванай сумеснай праграме з удзелам шырокага кола прадстаўнікоў зацікаўленых дзяржаўных органаў і навуковай сферы. Асноўнай мэтай семінара было інфармаванне і наладжванне кантактаў для далейшага супрацоўніцтва ў рэалізацыі мерапрыемстваў па актыўным прыцягненні бакоў, зацікаўленых у рэалізацыі кластарных ініцыятыў па чатырох прыярытэтных сектарах, адабраных Мінэканомікі (інфармацыйна-камунікацыйныя тэхналогіі, медыцына, фармацэўтыка, біятэхналогіі і зялёная эканоміка, прыборабудаванне і робататэхніка). У гэтых сферах цяпер найбольшы арганізацыйны і інавацыйны патэнцыял для забеспячэння сістэмнай інтэграцыі навукі, адукацыі і бізнесу на аснове кластарнай мадэлі развіцця.

Бакі канстатавалі высокую значнасць праекта для Беларусі і пацвердзілі намеры плённа супрацоўнічаць у далейшым.

версія для друку

зрабіць стартавай

дабавіць у выбранае