Бізнес-навіны

Беларусь і Сірыя рыхтуюцца да работы сумеснай камісіі па супрацоўніцтве

4 лістапада, Мінск /Кар. БЕЛТА/. Намеснік міністра замежных спраў Беларусі Мікалай Барысевіч 3 лістапада сустрэўся з Надзвычайным і Паўнамоцным Паслом Сірыйскай Арабскай Рэспублікі ў Рэспубліцы Беларусь Махамадам аль-Умрані. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

У ходзе сустрэчы абмеркаваны актуальныя напрамкі беларуска-сірыйскага супрацоўніцтва ў палітычнай, гандлёва-эканамічнай і гуманітарнай галінах.

Асаблівая ўвага была ўдзелена пытанням абмену візітамі, падрыхтоўкі восьмага пасяджэння сумеснай беларуска-сірыйскай камісіі па гандлёвым, эканамічным і тэхнічным супрацоўніцтве, далейшай узаемнай падтрымкі на міжнароднай арэне.

Пасол Сірыі выказаў удзячнасць за гуманітарную дапамогу, аказваемую Рэспублікай Беларусь сірыйскаму народу.

версія для друку

зрабіць стартавай

дабавіць у выбранае