Бізнес-навіны
Беларусь і Іспанія дамовіліся правесці ў Мадрыдзе бізнес-форум
15 лютага, Мінск /Кар. БЕЛТА/. Беларусь і Іспанія дамовіліся правесці ў Мадрыдзе беларуска-іспанскі бізнес-форум. Такая дамоўленасць дасягнута ў час кансультацый паміж міністэрствамі замежных спраў Беларусі і Каралеўства Іспанія, паведамілі БЕЛТА ў прэс-службе МЗС Беларусі.
Беларускую дэлегацыю на перагаворах узначаліла намеснік міністра замежных спраў Алена Купчына, іспанскую - дзяржаўны сакратар Міністэрства замежных спраў і супрацоўніцтва Ігнасіа Ібаньес Рубіа.
Бакі абмеркавалі пытанні двухбаковых адносін, а таксама ўзаемадзеяння Беларусі з Еўрапейскім саюзам. Асаблівая ўвага была ўдзелена развіццю двухбаковага супрацоўніцтва ў гандлёва-эканамічнай сферы, удасканаленню дагаворна-прававой базы ўзаемадзеяння дзвюх краін у эканамічнай і прававой сферах.
Дасягнуты дамоўленасці аб правядзенні шэрага мерапрыемстваў, накіраваных на актывізацыю супрацоўніцтва паміж дзелавымі коламі дзвюх краін. Акрамя таго, прынята рашэнне аб правядзенні на працягу 2016 года шэрага сумесных мерапрыемстваў у галіне культуры.
Беларуская і іспанская дэлегацыі таксама абмеркавалі пытанні супрацоўніцтва ў міжнародных арганізацыях.
версія для друку
зрабіць стартавай
дабавіць у выбранае