Бізнес-навіны
Беларусь і Рэспубліка Карэя абмеркавалі супрацоўніцтва ў сферы робататэхнікі і ІКТ
25 студзеня, Мінск /Кар. БЕЛТА/. Беларусь і Рэспубліка Карэя абмеркавалі перспектывы супрацоўніцтва ў сферы робататэхнікі і інфармацыйна-камунікацыйных тэхналогій, паведамілі БЕЛТА ў прэс-службе Дзяржаўнага камітэта па навуцы і тэхналогіях.
"Старшыня ДКНТ Аляксандр Шумілін і старшыня камітэта па навуковай палітыцы Міністэрства навукі, ІКТ і перспектыўнага планавання Рэспублікі Карэя Лі Сін Ду абмеркавалі сёння перспектыўныя напрамкі навукова-тэхнічнага і інавацыйнага супрацоўніцтва, у тым ліку ў сферы робататэхнікі, медыцынскага прыборабудавання, фізікі, святлодыёднай тэхнікі і ІКТ", - адзначылі ў прэс-службе.
Акрамя таго, бакі разгледзелі пытанні арганізацыі і падрыхтоўкі правядзення ў бягучым годзе пасяджэння сумеснай беларуска-карэйскай рабочай групы па навуцы і тэхналогіях, а таксама магчымыя формы двухбаковага ўзаемадзеяння, у тым ліку па лініі вучоных абедзвюх краін. "У 2013-2015 гадах вучоныя Беларусі і Рэспублікі Карэя выконвалі 5 навукова-тэхнічных праектаў, з іх два праекты па тэхнічных навуках, а таксама праекты па медыка-фармацэўтычных навуках, па фізіка-матэматычных навуках і па хімічных навуках і навуках аб Зямлі. Фінансаванне іх склала
Br825 млн", - растлумачылі ў ДКНТ.Па выніках аднаго з праектаў быў заключаны кантракт з кампаніяй
BASF (Германія) "Новыя каталізатары для полімерызацыі ізабутылену". Вынікі іншых праектаў могуць стаць перадумовай укаранення ў вытворчасць медыцынскіх прэпаратаў, прымянення новых тэхналогій ліцця сплаваў металаў, вытворчасці кампазіцыйных матэрыялаў і матэрыялаў ва ўстройствах спінавай электронікі.Адносіны ў навукова-тэхнічнай сферы паміж Беларуссю і Рэспублікай Карэя рэгламентуюцца пагадненнем паміж урадамі аб эканамічным, навуковым і тэхнічным супрацоўніцтве (падпісана 17 мая 2004 года ў Сеуле), мемарандумам аб узаемаразуменні паміж ДКНТ, Нацыянальнай акадэміяй навук Беларусі і Міністэрствам гандлю, прамысловасці і энергетыкі Рэспублікі Карэя аб рэалізацыі прамысловага і навукова-тэхнічнага супрацоўніцтва (падпісаны 20 красавіка 2004 года), мемарандумам аб узаемаразуменні паміж ДКНТ і Карэйскім інстытутам прамысловых тэхналогій (падпісаны ў Мінску 24 красавіка 2009 года), мемарандумам аб узаемаразуменні паміж ДКНТ і Міністэрствам адукацыі, навукі і тэхналогій Рэспублікі Карэя аб супрацоўніцтве ў навукова-тэхнічнай сферы (падпісаны ў Сеуле 3 снежня 2008 года).
версія для друку
зрабіць стартавай
дабавіць у выбранае