Бізнес-навіны
Беларусь і Іран дамовіліся аб абмене данымі мытнай статыстыкі ўзаемнага гандлю
25 мая, Мінск /Кар. БЕЛТА/. Беларусь і Іран дамовіліся аб абмене данымі мытнай статыстыкі ўзаемнага гандлю, паведамілі БЕЛТА ў Дзяржаўным мытным камітэце.
"У Тэгеране адбылася двухбаковая сустрэча старшыні Дзяржаўнага мытнага камітэта Беларусі Юрыя Сянько з кіраўніком Мытнай адміністрацыі Ісламскай Рэспублікі Іран Масудам Карбасіянам. Кіраўнікамі падпісаны мемарандум аб супрацоўніцтве пры абмене данымі мытнай статыстыкі ўзаемнага гандлю, які ўстанаўлівае парадак і формы ўзаемадзеяння пры рэалізацыі абмену такімі данымі", - расказалі ў ДМК.
У час сустрэчы былі абмеркаваны актуальныя пытанні развіцця і ўзаемадзеяння мытных органаў дзвюх краін, у тым ліку далейшыя сумесныя крокі, накіраваныя на развіццё лагістычных паслуг, а таксама рэалізацыю палажэнняў пагаднення паміж урадамі Беларусі і Ірана аб узаемнай адміністрацыйнай дапамозе і супрацоўніцтве ў мытных справах ад 10 верасня 2004 года.
Бакі дамовіліся аб далейшым развіцці дагаворна-прававой базы беларуска-іранскіх узаемаадносін у мытнай сферы.
версія для друку
зрабіць стартавай
дабавіць у выбранае