Бізнес-навіны
Беларусь і Пакістан на пасяджэнні гандлёва-эканамічнай камісіі дамовіліся актывізаваць кантакты
9 сакавіка, Мінск /Аліна Грышкевіч - БЕЛТА/. Беларусь і Пакістан на другім пасяджэнні сумеснай беларуска-пакістанскай камісіі па гандлёва-эканамічным супрацоўніцтве, якое 8-9 сакавіка прайшло ў Лахоры, дамовіліся актывізаваць усебаковыя кантакты. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
Беларускую частку камісіі ўзначаліў міністр прамысловасці Віталь Воўк, пакістанскую - міністр гандлю Хурам Дастгір Хан. У склад беларускай дэлегацыі ўвайшлі прадстаўнікі Міністэрства прамысловасці, канцэрнаў "Белнафтахім", "Беллегпрам" і падведамных ім прадпрыемстваў, Беларускай гандлёва-прамысловай палаты. У рабоце камісіі прыняў удзел Надзвычайны і Паўнамоцны Пасол Беларусі ў Пакістане Андрэй Ермаловіч.
Па выніках пасяджэння падпісаны пратакол, які прадугледжвае актывізацыю гандлёва-эканамічнага супрацоўніцтва, узаемадзеяння ў сферы эканомікі, у пытаннях стандартызацыі і сертыфікацыі, у мытнай, авіяцыйнай і фармацэўтычнай сферах, у прамысловай і сельскагаспадарчай кааперацыі.
У час наведвання Пакістана адбыліся сустрэчы міністра прамысловасці Беларусі і пасла Беларусі з галоўным міністрам правінцыі Пенджаб Шахбазам Шарыфам, губернатарам правінцыі Пенджаб Малікам Раджванам і міністрам па справах шахт і мінералаў правінцыі Пенджаб Шэр Алі Ханам. Бакі разгледзелі шырокі спектр пытанняў двухбаковага гандлёва-эканамічнага супрацоўніцтва.
версія для друку
зрабіць стартавай
дабавіць у выбранае