Бізнес-навіны
Беларусь і Малдова пашыраць супрацоўніцтва ў АПК
18 сакавіка, Кішынёў /Андрэй Гусін - БЕЛТА/. Беларусь і Малдова пашыраць супрацоўніцтва ў галіне аграпрамысловага комплексу. Гэта абмяркоўвалі на сустрэчы саветнік пасольства Беларусі ў Малдове Аляксандр Салаўёў і міністр сельскай гаспадаркі і харчовай прамысловасці Малдовы Іон Сула, паведамілі карэспандэнту БЕЛТА ў беларускім пасольстве ў Кішынёве.
У прыватнасці, у ходзе сустрэчы абмеркаваны пытанні супрацоўніцтва ў галіне паставак для прадпрыемстваў аграрнага сектара Малдовы беларускіх угнаенняў і гербіцыдаў, пашырэння зборачнай вытворчасці садова-вінаградарскіх трактароў "Беларус" у Кішынёве, удзелу ў мадэрнізацыі малочнатаварных ферм і птушкагадоўчых комплексаў у Малдове.
Малдаўскаму боку былі прадстаўлены магчымасці гандлёва-лагістычных цэнтраў у Беларусі, якія могуць выкарыстоўвацца для захоўвання і круглагадовай рэалізацыі малдаўскай плодаагародніннай прадукцыі.
Міністру сельскай гаспадаркі і харчовай прамысловасці Малдовы перададзена запрашэнне прыняць удзел у штогадовай спецыялізаванай сельскагаспадарчай выстаўцы "Белагра".
версія для друку
зрабіць стартавай
дабавіць у выбранае