Бізнес-навіны
Беларусь і Латвія будуць актыўней супрацоўнічаць у транспартнай сферы
10 лістапада, Мінск /Юлія Огнева - БЕЛТА/.
Беларусь і Латвія будуць актыўней супрацоўнічаць у транспартнай сферы. Адпаведныя дамоўленасці абмяркоўваліся сёння на сустрэчы намесніка прэм'ер-міністра Беларусі Анатоля Калініна з латвійскай дэлегацыяй на чале з міністрам эканомікі Латвіі Арвілсам Ашэрадзенсам, перадае карэспандэнт БЕЛТА."Мы павінны знайсці з краінамі-суседзямі ўзаемныя інтарэсы, найперш у трансгранічным супрацоўніцтве, інфраструктурных праектах. Інфраструктура - дарогі, пагранпераходы - павінны дазваляць больш аператыўна перамяшчацца таварам і гасцям праз нашы краіны", - адзначыў Анатоль Калінін. Паводле яго слоў, у бліжэйшы час плануецца выйсці на канкрэтныя пагадненні паміж міністэрствамі транспарту Беларусі і Латвіі.
Таксама Анатоль Калінін канстатаваў, што тавараабарот паміж краінамі недастатковы, і падкрэсліў наяўнасць патэнцыялу для істотнага яго павелічэння. "Любая сустрэча надасць імпульс супрацоўніцтву. Мы гатовы абмеркаваць усе пытанні", - запэўніў ён.
У сваю чаргу Арвілс Ашэрадзенс адзначыў актыўны палітычны дыялог паміж дзвюма краінамі. "Мэта сённяшняга візіту - павелічэнне гандлёва-эканамічнага абароту. У сувязі з гэтым любыя мерапрыемствы важныя", - рэзюмаваў ён.
версія для друку
зрабіць стартавай
дабавіць у выбранае