Бізнес-навіны

Беларусь і Куба зацікаўлены ў супрацоўніцтве ў галіне медыцынскіх навук і біятэхналогій

Фота з архiва

3 сакавіка, Мінск /Кар. БЕЛТА/. Беларусь і Куба зацікаўлены ў супрацоўніцтве ў галіне медыцынскіх навук і біятэхналогій, паведамілі БЕЛТА ў прэс-службе Нацыянальнай акадэміі навук.

НАН Беларусі наведала дэлегацыя Міністэрства аховы здароўя Рэспублікі Куба і групы кампаній "БіяКубаФарма" на чале з першым намеснікам міністра аховы здароўя Таняй Маргарытай Крус Эрнандэс.

У ходзе сустрэчы са старшынёй Прэзідыума Нацыянальнай акадэміі навук Уладзімірам Гусаковым бакі абмеркавалі бягучы стан супрацоўніцтва НАН Беларусі і навуковых арганізацый Кубы ў галіне медыцынскіх навук і біятэхналогій, шляхі развіцця ўзаемадзеяння. У якасці найбольш перспектыўных напрамкаў супрацоўніцтва на бліжэйшы перыяд вызначаны генетыка, вірусалогія, выкарыстанне ствалавых клетак, разумныя сістэмы ў сферы аховы здароўя, сінтэз прэпаратаў.

Дасягнута дамоўленасць аб распрацоўцы дарожнай карты супрацоўніцтва і сумесным удзеле спецыялістаў дзвюх краін у рыхтуемым конкурсе беларуска-кубінскіх праектаў па лініі БРФФД.

версія для друку

зрабіць стартавай

дабавіць у выбранае