Бізнес-навіны

Беларусь і Куба працуюць над узаемным пашырэннем гамы пастаўляемай прадукцыі

Фота з архiва

17 красавіка, Мінск /Кар. БЕЛТА/. Рэспубліка Беларусь і Рэспубліка Куба працуюць над узаемным пашырэннем гамы пастаўляемай прадукцыі. Аб гэтым карэспандэнту БЕЛТА паведамілі ў беларускім пасольстве ў Гаване ў сувязі з 31-годдзем устанаўлення дыпламатычных адносін, якое адзначалася 16 красавіка.

У дыпламатычнай місіі звярнулі ўвагу, што ў 2022-2023 гады быў захаваны высокі ўзровень двухбаковага ўзаемадзеяння паміж Беларуссю і Кубай. Традыцыйна яго асновай з'яўляецца палітычная воля кіраўніцтва абедзвюх краін і супадзенне пазіцый па ўсім спектры пытанняў міжнароднага парадку дня, што пацвярджаецца ўзаемнай падтрымкай на палях ААН. Зацікаўленасць у выбудоўванні стратэгічнага партнёрства таксама была пацверджана ў ходзе праведзеных у чэрвені 2022 года беларуска-кубінскіх палітычных кансультацый на ўзроўні намеснікаў міністраў замежных спраў.

Прыкметна актывізаваліся беларуска-кубінскія кантакты па розных напрамках: адбыліся візіты парламенцкіх дэлегацый, а таксама рабочыя абмены ў галінах прамысловасці, сельскай гаспадаркі, фармацэўтыкі, фінансава-банкаўскай сферы, адукацыі. Акрамя таго, пасля працяглага перапынку адноўлена работа міжурадавай беларуска-кубінскай камісіі па гандлёва-эканамічным супрацоўніцтве, у рамках якой профільныя рабочыя групы намецілі шэраг перспектыўных напрамкаў. Тым не менш дынаміка гандлёва-эканамічных адносін крыху адстае. Традыцыйнымі таварамі беларускага экспарту з'яўляюцца сельскагаспадарчая тэхніка і камплектуючыя, медыцынскае абсталяванне і сухое малако. Аснову кубінскага экспарту складаюць лекавыя прэпараты, ром, кава.

"Цяпер бакі працуюць над пашырэннем гамы пастаўляемай прадукцыі з мэтай прывядзення ў адпаведнасць тэмпаў тавараабароту высокаму ўзроўню палітычных сувязей", - адзначылі ў пасольстве Рэспублікі Беларусь.

версія для друку

зрабіць стартавай

дабавіць у выбранае