Бізнес-навіны

Беларусь і Кітай абмеркавалі дэталі пілотнага праекта па грузаперавозках

20 мая, Мінск /Кар. БЕЛТА/. Беларусь і КНР абмеркавалі дэталі запуску пілотнага праекта па руху грузаў па маршруце Кітай - Беларусь - Кітай, паведамілі БЕЛТА ў прэс-службе Мінтранса.

Перагаворы паміж транспартнымі ведамствамі дзвюх краін прайшлі ў рэжыме відэаканферэнцыі. Беларускую дэлегацыю ўзначалілі намеснік міністра транспарту Сяргей Дубіна і начальнік упраўлення аўтамабільнага і гарадскога пасажырскага транспарту Мінтранса Андрэй Гладкі. Кіраўніком з кітайскага боку выступіў намеснік дырэктара Дэпартамента транспартнага абслугоўвання Міністэрства транспарту КНР Ху Хуапін.

Абмяркоўваючы пілотны праект, бакі дасягнулі дамоўленасці аб абмене 1 тыс. дазволаў, з якіх 500 - дазволы на перавозкі ў трэція краіны і з іх, 500 - транзітныя.

У цэлым на пасяджэнні закраналі шырокае кола пытанняў узаемадзеяння Беларусі і Кітая ў сферы транспарту. Перш за ўсё размова ішла аб рэалізацыі падпісанага ў 2019 годзе ўрадамі Беларусі і КНР пагаднення аб міжнародных аўтамабільных перавозках пасажыраў і грузаў.

Па выніках сустрэчы дэлегацыі адзначылі: перагаворы прайшлі канструктыўна, ва ўласцівым беларуска-кітайскім адносінам духу ўзаемапавагі, шчырасці і дружбы, што адпавядае ўзроўню стратэгічнага партнёрства.

версія для друку

зрабіць стартавай

дабавіць у выбранае