Бізнес-навіны

Беларусь і Казахстан дамовіліся аб пашырэнні супрацоўніцтва ў будаўнічай сферы

1 чэрвеня, Мінск /Кар. БЕЛТА/. Беларусь і Казахстан дамовіліся аб пашырэнні супрацоўніцтва ў будаўнічай сферы. Аб гэтым ішла размова на сустрэчы міністра архітэктуры і будаўніцтва Беларусі Руслана Пархамовіча і міністра індустрыі і інфраструктурнага развіцця Казахстана Бейбута Атамкулава, паведамілі БЕЛТА ў прэс-службе Мінбудархітэктуры.

"На сённяшні дзень у Беларусі вытворчасць асноўных будаўнічых матэрыялаў з'яўляецца экспартна арыентаванай. Будаўнічы сектар гатовы да шматбаковага супрацоўніцтва і зацікаўлены ў развіцці і нарошчванні гандлёва-эканамічных сувязей з Казахстанам", - падкрэсліў Руслан Пархамовіч.

Міністр таксама адзначыў, што Беларусь мае значны вопыт у частцы экспарту будаўнічых паслуг і гатова аказаць садзейнічанне ў будаўніцтве сучаснага і камфортнага жылля."Беларускія спецыялісты добра зарэкамендавалі сябе на замежных будаўнічых пляцоўках: іх праца і яе вынікі маюць высокія ацэнкі і вызначаюцца першакласнай якасцю", - адзначыў Руслан Пархамовіч.

У сваю чаргу Бейбут Атамкулаў праінфармаваў беларускага калегу аб асноўных напрамках дзейнасці будаўнічага комплексу Казахстана і выказаў гатоўнасць да далейшага развіцця двухбаковага супрацоўніцтва ў сферы прамысловасці такіх будаўнічых матэрыялаў, як санітарны фаянс, цеплаізаляцыйныя і дахавыя матэрыялы, падлогавыя пакрыцці і інш.

Таксама ў рамках перагавораў з удзелам міністра транспарту і камунікацый Беларусі Аляксея Аўраменкі, намесніка старшыні канцэрна "Беллеспаперапрам" Генадзя Дзікавіцкага абмяркоўваліся пытанні супрацоўніцтва дзвюх краін у сферы транспарту і дрэваапрацоўчай прамысловасці.

версія для друку

зрабіць стартавай

дабавіць у выбранае