Бізнес-навіны

Беларусь і Казахстан абмеркавалі маючае адбыцца пасяджэнне гандлёва-эканамічнай міжурадавай камісіі

6 кастрычніка, Мінск /Кар. БЕЛТА/. Беларусь і Казахстан абмеркавалі правядзенне пасяджэння міжурадавай камісіі па гандлёва-эканамічным супрацоўніцтве. Аб гэтым карэспандэнту БЕЛТА паведамілі ў прэс-службе Міністэрства замежных спраў.

"5 кастрычніка адбылася сустрэча Надзвычайнага і Паўнамоцнага Пасла Рэспублікі Беларусь у Рэспубліцы Казахстан Паўла Уцюпіна з міністрам гандлю і інтэграцыі Рэспублікі Казахстан Бахытам Султанавым, - расказалі ў прэс-службе. - На сустрэчы бакі абмеркавалі шырокае кола актуальных пытанняў двухбаковага ўзаемадзеяння, а таксама перспектывы правядзення чарговага пасяджэння міжурадавай беларуска-казахстанскай камісіі па гандлёва-эканамічным супрацоўніцтве".

Асноўным міжнародна-прававым дакументам, які вызначае прыярытэтныя напрамкі двухбаковых намаганняў па развіцці міждзяржаўных адносін, з'яўляецца дагавор паміж Рэспублікай Беларусь і Рэспублікай Казахстан аб дружбе і супрацоўніцтве. Усяго паміж Рэспублікай Беларусь і Рэспублікай Казахстан заключана і дзейнічае больш за 80 міжнародных дагавораў.

Кіраўнікі дзяржаў Беларусі і Казахстана перад урадамі дзвюх краін паставілі канкрэтныя задачы па ўсебаковым развіцці беларуска-казахстанскіх адносін з акцэнтам на пашырэнні гандлёва-эканамічнага, інвестыцыйнага і навукова-тэхналагічнага супрацоўніцтва.

версія для друку

зрабіць стартавай

дабавіць у выбранае