Бізнес-навіны

Беларусь і Егіпет узгаднілі алгарытм далейшых двухбаковых кантактаў у IT-сферы

Фота з архiва

15 студзеня, Мінск /Кар. БЕЛТА/. Пасол Беларусі ў Егіпце Сяргей Цярэнцьеў сустрэўся з міністрам сувязі і інфармацыйных тэхналогій Егіпта Амрам Талаатам. Аб гэтым карэспандэнту БЕЛТА паведамілі ў беларускай дыпламатычнай місіі ў Егіпце.

Субяседнікі адзначылі высокі патэнцыял для развіцця беларуска-егіпецкага ўзаемадзеяння ў сферах высокіх тэхналогій, інфармацыйнай бяспекі і падрыхтоўкі спецыялістаў у галіне тэлекамунікацый. Былі таксама абмеркаваны перспектывы супрацоўніцтва паміж спецыялізаванымі арганізацыямі і кампаніямі IT-сектара дзвюх краін.

Бакі таксама ўзгаднілі алгарытм далейшага развіцця двухбаковых кантактаў у сферы інфармацыйных тэхналогій, уключаючы абмен візітамі дэлегацый адпаведных ведамстваў і арганізацый Беларусі і Егіпта.

версія для друку

зрабіць стартавай

дабавіць у выбранае