Бізнес-навіны

25 мая, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей 25 мая сустрэўся з міністрам гандлю і прамысловасці Арабскай Рэспублікі Егіпет, сустаршынёй беларуска-егіпецкай сумеснай гандлёвай камісіі Тарыкам Кабілем, які знаходзіцца ў Мінску для ўдзелу ў пасяджэнні камісіі, паведамілі БЕЛТА ў прэс-службе беларускага знешнепалітычнага ведамства.

Бакі адзначылі важнасць падтрымання высокай дынамікі развіцця супрацоўніцтва і неабходнасць рэалізацыі сумесных праектаў у галіне прамысловай кааперацыі, сельскай гаспадаркі, дрэваапрацоўкі і вытворчасці мэблі, транспартна-лагістычнай сферы. Было падкрэслена, што цяперашні візіт міністра гандлю і прамысловасці Егіпта і правядзенне пасяджэння міжурадавай камісіі з'яўляюцца прадаўжэннем рэалізацыі бакамі дамоўленасцей, дасягнутых у час візіту кіраўніка беларускай дзяржавы ў Егіпет у студзені 2017 года.