Бізнес-навіны

Беларусь і Аўстрыя абмеркавалі пашырэнне міжрэгіянальных сувязей

15 сакавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Аўстрыі Андрэй Дапкюнас сустрэўся з кіраўніцтвам Федэральнай палаты эканомікі Аўстрыі. Аб гэтым карэспандэнту БЕЛТА паведамілі ў пасольстве нашай краіны ў Вене.

Федэральная палата эканомікі Аўстрыі каардынуе дзейнасць і прадстаўляе інтарэсы аўстрыйскай дзелавой супольнасці на нацыянальным і міжнародным узроўнях. Функцыянуе ў якасці аб'яднання 9 рэгіянальных палат і больш як 100 галіновых саюзаў і асацыяцый. Членамі палаты з'яўляюцца больш за паўмільёна прадпрыемстваў. З аўстрыйскага боку ў сустрэчы ўдзельнічалі віцэ-прэзідэнт палаты Рыхард Шэнц і рэгіянальны дырэктар па краінах Усходняй Еўропы і Цэнтральнай Азіі Грэгар Постль. Рыхард Шэнц на працягу больш як двух дзесяцігоддзяў займае пасаду віцэ-прэзідэнта Федэральнай палаты эканомікі Аўстрыі. Да сферы яго адказнасці адносіцца развіццё супрацоўніцтва з дзяржавамі Усходняй Еўропы і Цэнтральнай Азіі. З 2000 года Рыхард Шэнц узначальвае міжнародную гандлёвую палату ICC-Austria.

Пасол Беларусі і віцэ-прэзідэнт федэральнай палаты эканомікі Аўстрыі абмеркавалі актуальныя пытанні беларуска-аўстрыйскіх адносін у гандлёва-эканамічнай сферы. У прыватнасці, разгледжаны ход падрыхтоўкі чарговага пасяджэння Беларуска-аўстрыйскага дзелавога савета і арганізацыя візіту ў Беларусь дэлегацыі аўстрыйскіх дзелавых колаў. У ходзе сустрэчы абмеркаваны перспектывы рэалізацыі дасягнутай у лістападзе 2019 года ў ходзе перагавораў на вышэйшым узроўні дамоўленасці аб пашырэнні дзелавых сувязей аўстрыйскіх і беларускіх рэгіёнаў.

У 2020 годзе тавараабарот паміж Беларуссю і Аўстрыяй склаў $155,9 млн (83,7 працэнта да ўзроўню 2019 года). Аб'ём беларускага экспарту ў Аўстрыю вырас на чвэрць і склаў $26,3 млн. Абарот паслуг склаў $147,2 млн, або 76,1 працэнта да 2019 года. Па выніках 2020 года Аўстрыя з'яўляецца трэцім буйнейшым інвестарам Рэспублікі Беларусь - аб'ём паступлення аўстрыйскіх інвестыцый павялічыўся на 47,4 працэнта і склаў $645,3 млн.

версія для друку

зрабіць стартавай

дабавіць у выбранае