Бізнес-навіны

Беларусь і Арменія дамовіліся аб сумеснай вытворчасці ліфтаў

Фота з архiва

14 студзеня, Мінск /Кар. БЕЛТА/. Беларусь і Арменія дамовіліся аб сумеснай вытворчасці ліфтаў. Аб гэтым пасол Беларусі ў Арменіі Аляксандр Канюк расказаў у інтэрв'ю інфармацыйнай кампаніі "АрмІнфа", паведамляе БЕЛТА.

"Нам удалося дамовіцца аб хуткім наладжванні ў Арменіі зборкі ліфтаў для шматпавярховых дамоў. Ліфты магілёўскай вытворчасці ўжо з'яўляюцца ў шматпавярховых дамах Ерэвана, паколькі прадпрыемства выйграла тэндар, аб'яўлены мэрыяй армянскай сталіцы яшчэ ў 2019 годзе. Мы вельмі спадзяёмся, што і ў бягучым годзе станем яго пераможцам", - адзначыў Аляксандр Канюк.

Паводле яго слоў, бакі лічаць неабходным пачаць сумесную зборку ліфтаў у Арменіі, прычым забяспечыўшы максімальную лакалізацыю іх вытворчасці. "Гэтымі днямі са мной звязвалася кіраўніцтва ("Магілёўліфтмаша". - Заўвага БЕЛТА), і мы якраз сур'ёзна гаварылі аб тым, каб стварыць зборачную вытворчасць тут, у Арменіі", - расказаў пасол.

Паводле яго слоў, сэрвіснае абслугоўванне магілёўскіх ліфтаў ужо наладжваецца ў Ерэване. "З сэрвіснага абслугоўвання пачнём, затым лакалізацыя і зборачная вытворчасць", - дадаў дыпламат.

версія для друку

зрабіць стартавай

дабавіць у выбранае