Бізнес-навіны

Банк развіцця павялічыць фінансаванне дзяржпраграм і мерапрыемстваў у 2020 годзе на 4,6 працэнта

Фота з архiва

20 красавіка, Мінск /Кар. БЕЛТА/. Банк развіцця Беларусі павялічыць фінансаванне дзяржпраграм і мерапрыемстваў у 2020 годзе да Br1,221 млрд ($496,527 млн), або на 4,6 працэнта ў параўнанні з раней зацверджанай сумай. Гэта рашэнне замацавана пастановай урада ад 14 красавіка 2020 года нумар 226, апублікаванай на Нацыянальным прававым інтэрнэт-партале, паведамілі БЕЛТА ў Банку развіцця.

Банк развіцця накіруе дадатковыя сродкі на крэдытаванне суб'ектаў гаспадарання ў рамках ліміту недырэктыўнага крэдытавання дзяржпраграм і мерапрыемстваў у 2020 годзе, памер якога павялічваецца на 11,8 працэнта да Br510,89 млн ($207,789 млн).

Пастанова ўступае ў сілу пасля яе афіцыйнага апублікавання.

версія для друку

зрабіць стартавай

дабавіць у выбранае