Бізнес-навіны

Банк развіцця павялічыў фінансаванне эканомікі ў 4,5 раза ў параўнанні з 2019 годам

Фота з архiва

26 ліпеня, Мінск /Кар. БЕЛТА/. Банк развіцця павялічыў фінансаванне эканомікі ў 4,5 раза ў параўнанні з 2019 годам. Аб гэтым паведамілі БЕЛТА ў прэс-службе банка.

"З моманту стварэння Банк развіцця садзейнічае пашырэнню патэнцыялу і павышэнню эфектыўнасці беларускай эканомікі. Цяпер можна з упэўненасцю сказаць, што гэта не толькі фінансавая ўстанова ў сферы інвестыцый і стратэгічных праектаў, а паўнацэнны інстытут развіцця краіны, які з'яўляецца эфектыўным дзяржаўным інструментам, цэнтрам кампетэнцый у розных галінах і драйверам сацыяльна-эканамічнага росту рэспублікі. Гэтыя словы пацвярджаюць вынікі работы банка", - падкрэслілі ў прэс-службе.

Так,за 2023 год агульны аб'ём фінансавання эканомікі Банкам развіцця склаў Br11,5 млрд, або 5,3 працэнта да ВУП. У параўнанні з 2019 годам фінансавая падтрымка эканомікі вырасла ў 4,5 раза, пры гэтым на працягу 2020-2022 гадоў аб'ём фінансавання павялічваўся з тэмпам росту больш за 50 працэнтаў штогод, за 2023 год - на 24 працэнты.

"Банк развіцця прадаўжае маштабаваць свой уклад у прагрэсіўны эканамічны рост краіны. Новыя высокатэхналагічныя вытворчасці, сучасныя сельскагаспадарчыя, інфраструктурныя і сацыяльныя аб'екты, нарошчванне экспарту прадукцыі, садзейнічанне эфектыўнай працы і росту невялікіх прадпрыемстваў, а таксама лічбавізацыя эканомікі - стратэгічныя напрамкі дзейнасці банка, якія садзейнічаюць развіццю Беларусі", - адзначылі ў прэс-службе.

версія для друку

зрабіць стартавай

дабавіць у выбранае