Бізнес-навіны

5 мая, Пекін /Аліна Грышкевіч - БЕЛТА/. Банк развіцця Кітая разглядае магчымасць адкрыцця офіса свайго прадстаўніцтва ў Мінску. Аб гэтым паведаміў намеснік начальніка аддзела дэпартамента Еўропы і Азіі Міністэрства камерцыі КНР Чжан Дун у час сустрэчы з прадстаўнікамі беларускіх СМІ, перадае карэспандэнт БЕЛТА.

"Гэта толькі першы крок, потым будзе канкрэтызавана работа ў гэтым напрамку", - растлумачыў Чжан Дун. Паводле яго слоў, некаторыя іншыя кітайскія банкі таксама вывучаюць магчымасць адкрыцця сваіх прадстаўніцтваў у Мінску.

Раней беларускі бок запрасіў кітайскіх банкіраў прыйсці на беларускі рынак, што павінна садзейнічаць яшчэ больш актыўнай рабоце паміж Беларуссю і Кітаем у эканамічнай і інвестыцыйнай сферах.