Бізнес-навіны

Багданаў: супрацоўніцтва Беларусі і ААЭ развіваецца ў духу дружбы і ўзаемаразумення

20 чэрвеня, Мінск /Кар. БЕЛТА/. Супрацоўніцтва Беларусі і Аб'яднаных Арабскіх Эміратаў развіваецца ў духу дружбы і ўзаемаразумення. Аб гэтым заявіў міністр антыманапольнага рэгулявання і гандлю Аляксей Багданаў на сустрэчы з Надзвычайным і Паўнамоцным Паслом ААЭ ў Беларусі Ібрагімам Салімам Махамедам Аль-Мушарахам, паведамілі БЕЛТА ў прэс-службе МАРГ.

Акрамя пытанняў развіцця ўзаемнага гандлю, бакі абмеркавалі меры антыманапольнай палітыкі і абароны канкурэнцыі, рэгуляванне ў сферы дзяржаўных закупак і на спажывецкім рынку. Дамовіліся аб развіцці міжведамасных сувязей.

Раней паведамлялася, што міністр сустрэўся з ганаровым консулам Беларусі ў г. Эскішэхір (Турцыя), а таксама кіраўніком турэцкай кампаніі Albayrak Makine Elektronik San. ve Tic A.C. Гюрханам Албайракам. Бакі абмеркавалі магчымасці пашырэння экспартна-імпартных аперацый, у тым ліку з выкарыстаннем механізма паралельнага імпарту.

версія для друку

зрабіць стартавай

дабавіць у выбранае